| |
- Betrunkene Zecher, was fällt denen ein? -
- Was Gscheids wars no nia, ob heit oder früher:
- Geht oana zum Kirchturm, de Tür war scheints auf,
- und läut glei de Glockn, reißt´s Dorf aus´am Schlaf.
- De Dirn in da Kammer: "Gebetleitn? - So früah?"
- Sie genga zum Kuahstall und woin da glei melka.
- De Küah aber streibn se und stehna ned auf.
- "Was is denn da los? Da stimmt doch was ned!"
- Sie schaun, in da Stubn drin, zur Uhr auf´am Sims:
- "De zoagt halber Drei o! Des derf doch ned sei!"
- "Den wern ma ma dawischn, der kriagt gscheide Schläg,
- der bsuffane Teife, der konn was dalebn!"
-
Kurt Scheuerer, Ingolstadt, 2018
|
