| |
- In da Eiszeit da frierts uns,
- da is narrisch koid.
- Da miaß man vui essen,
- sunst wern ma ned oid.
- Des Fett auf de Hüftn,
- des fress ma uns oo.
- Damit auf de Stoana
- ma leicht sitzn koo.
- Des Fell von de Rentier,
- des wärmt uns ganz schee.
- Bloß kommas ned waschn,
- drum beißn uns d´Flöh.
- As Wetter im Sommer,
- des is scho recht warm.
- Bloß stechatn d´Schnackn
- dafür uns schee arm.
- Im Frühling mia wandern
- nach Süden gegn Minga.
- Weil bei uns dahoam
- de Sümpf greislich stinga.
- Da druntn am Gletscher,
- ganz frisch is da d´Luft.
- Da waht durch de Hüttn
- a Renbratenduft.
- Gnua Viech gibts zum Jagen
- und Fisch aa zum Fanga.
- De Leit alle gfrein se
- und d`Frauen wern schwanga.
- Im Herbst gehts nach Norden,
- durch Donau muaßt schwimma.
- Mecht sei, daß´s uns guat geht
- für oiwei und imma.
Kurt Scheuerer, Ingolstadt, 2017
|
