Logo Scutara Scutara - Poesie  
Schrotthändler der Bronzezeit
Zum Hortfund von Dünzlau

 
 
A Eisenkammer hats füher no gem, bei de Urgroßaitern.
Und wenn da Schmied kemma is, hata oiss mitgnumma,
so vui a hat ziagn kenna mit seim kloana Wagerl.
Und tauscht hotas gegn a neis Werkzeig.

Und vor drei dausend Jahr werds ned anders gwen sei.
De Weg warn hoit länga, von oam Dorf zu andern.
Und a Eisn hats domois a no ned gem,
de ham eana Werkzeig aus Bronze gmacht.
Gossn hams des mit am Blasboigfeier.

Des Zeig had se a leicht wieda eischmeizn lassn.
Aber vorher hat mas no ausananda klaubm miassn,
as harte vom weichn, as scharfe vom suibrign.
Deswegn hams de kaputtn Sacha no weita zabrocha,
damits segn ham kenna,
ob viu oda wenig Zinn oda a a Blei drin is.

Und wenns amoi zvui zum daschleppn ghabt ham,
na hom ses hoit eingrabm und späta wieda ghoit.

Oda manchmoi a ned.

Kurt Scheuerer, Ingolstadt, 2019  


Siehe auch:

Impressum - - - Nachricht hinterlassen: Kurt Scheuerer, D 85049 Ingolstadt
Zur Auswahl Poesie im Museum - - - Materialsammlung Scheuerer